Bakıya gələn tanınmış müğənni xəstəxanalıq oldu

Konsert təxirə salınır.

Ölkə.Az 1news.az-a istinadən xəbər verir ki, bu gün gecə saatlarında Moskvanın Şeremetyevo hava limanında Bakı reysinə enmə zamanı Rusiya estradasının tanınmış ulduzu İrina Dubtsova huşunu itirib.

Bakıya solo-konsertə yola düşən artist təcili yardım avtomobili ilə Lapino klinikasına çatdırılıb. İrina Dubtsovanın kollektiv və direktoru hazırda Bakıdadır. Həkimlər bildirib ki, İrinanın vəziyyəti orta ağır olaraq qiymətləndirilir və hər hansı uçuş və yerdəyişmələr sağlamlığı üçün riskdir.

"Dəqiq diaqnozu gün boyu qoymağa çalışacağıq", - deyə həkimlər qeyd edib.

Xatırladaq ki, İrina Dubtsovanın konserti bu gün Heydər Əliyev Sarayında baş tutmalı idi.

Rəşid Mustafazadə

Ölkə.Az