Məşhur rejissor 55 yaşında ilk dəfə evləndi
Amerikalı rejissor Kventin Tarantino evlənib.
“Ölkə.Az” xəbər verir ki, 55 yaşlı rejissor israilli müğənni və model Daniele Piklə ailə həyatı qurub.
“People” jurnalı yazır ki, cütlüyün toyu dünən Los-Anceles şəhərində baş tutub. Gəlin ağ gəlinlik paltarında, Tarantino isə qara kostyumda olub.
Bir müddət əvvəl Tarantino evlilikdənsə işi üstün tutduğunu açıqlamışdı. 2009-cu ildə isə rejissor bəyan etmişdi ki, o, film çəkəndə başqa heç nə etmir. Onun nə arvadı, nə də uşaqları var və onun qarşısını heç kəs kəsə bilməz.
Tarantino və Pik 2009-cu ildə İsraildə tanış olublar. Sonradan cütlük ayrılsa da, 2015-ci ildə yenidən barışıblar. 2017-ci ildə isə Tarantino və Pik nişanlandıqlarını açıqlamışdılar.
Hikmət Həsənov
Ölkə.Az
