Aktrisa: Zaur, sənin anan öz kefində olub

Canlı efirdə aparıcının əsl valideynlərinin kimliyini araşdırıblar...

Xəzər TV-nin aparıcısı haqqında şok faktlar üzə çıxıb.

Ölkə.Az-ın oxu.az-a istinadən məlumatına görə, Zaur Kamalın aparıcısı olduğu Xəzər TV-də yayımlanan “5-də 5” verilişinə qonaq gələn 3 qadın aparıcının əsl ata-anasının başqa adamlar olduğunu və onu uşaqlıqda atdıqlarını deyiblər.

Bu zaman verilişin digər qonağı olan aktrisa Naibə Allahverdiyeva qəzəblənib. Aktrisanın sözlərinə görə, aparıcı valideynlərinə qarşı xəyanət edir.

“İtlər də balalayır, ancaq onlar sonra balalarını atıb gedirlər. Bu mövzunun müzakirəsi ayıbdır. Zaur, sənin anan gecəsini gündüzünə qatıb, səni böyüdüb, o biri anan isə öz kefində olub. İndi isə biz burada gör nəyi müzakirə edirik. Sən ata-anana qarşı, səni böyüdən insanlara qarşı xəyanət edirsən”.

Aparıcı Zaur cavab olaraq bildirib ki, o, gerçək ata-anasının kimliyini bilmək istəyir.

“Əgər bu qurma işdirsə, deyin mən də bilim. Mən bunu şouya çevirə bilərəm. Hər kəs istəyər ki, gerçək ata-anasının kimliyini bilsin. Mən bu məsələni araşdıracam”.

Ölkə.Az