Həftənin icmalı
Məhəmməd Əmin Rəsulzadə - 131
Məhəmməd Əmin Rəsulzadə, tam adı Məhəmməd Əmin Axund Hacı Molla Ələkbər oğlu Rəsulzadə (1884 - 1955) - Azərbaycanın görkəmli dövlət və ictimai xadimi, dahi mütəfəkkiri, siyasətçi və publisisti, Azərbaycan Xalq Cümhuriyyətinin (1918-1920) banilərindən və Azərbaycan siyasi mühacirətinin liderlərindən biri. Azərbaycan tarixinin ən görkəmli və böyük şəxsiyyətlərindən olub, Azərbaycan milli istiqlal hərəkatına başçılıq etmişdir. Onun "Bir kərə yüksələn bayraq, bir daha enməz!" ifadəsi XX əsrdə Azərbaycanda müstəqillik hərəkatının şüarı olmuşdur.
Ankara Universitetinin tibb fakültəsinin klinikasında şəkər xəstəliyindən yatan Məhəmməd Əmin 1955-ci il martın 6-da gecə saat on birə on dəqiqə qalmış üç dəfə "Azərbaycan, Azərbaycan, Azərbaycan!" deyərək əbədiyyətə qovuşdu. Ankara radiosu martın 7-sində saat 22:45-də sabiq Azərbaycan milli şürasının sədri M. Ə. Rəsulzadənin vəfat etdiyi xəbərini təəssüflə bütün dünyaya yaydı.
Rusiyanı AŞPA-dan qovdular
Rusiyanın səsvermə hüququ donduruldu
Bu gün Avropa Şurası Parlament Assambleyasının (AŞPA) plenar iclasında Rusiya nümayəndə heyətinin səlahiyyətlərinin təsdiq edilməsi məsələsinə baxılıb.
Bu məsələ ilə bağlı qurumun Monitorinq Komitəsindən Stefan Şennaxın məruzəsi, Nizam-İntizam Komitəsindən isə Hans Frankenin hazırladığı xüsusi rəy müzakirə olunub.
Xatırladaq ki, AŞPA-nın ötən ilin aprelində keçirilmiş yaz sessiyasında qurum Rusiya nümayəndə heyətinin səsvermə səlahiyyətlərini 2014-cü ilin sonuna qədər dondurub. Bu sessiya ərzində isə bir qrup parlamentar Rusiyaya qarşı sanksiyanı daha bir il müddətinə uzadılması təklifi ilə çıxış edib.
ABŞ-ın yeni səfiri Bakıya fevralda gələcək
ABŞ-ın ölkəmizə yeni təyin olunmuş səfiri Robert Sekuta Azərbaycana fevralın 12-də gələcək.
Bu barədə ABŞ səfirliyinin twitter sosial şəbəkəsindəki səhifəsində yazılıb.
Xatırladaq ki, R.Sekuta əvvəllər ABŞ Dövlət Departamentinin Energetika və biznes məsələləri Bürosunda dövlət katibinin köməkçisinin energetika, sanksiyalar və xammal məhsulları üzrə müavini vəzifəsində çalışıb.
NATO-dan Bakıya mesaj
NATO-nun baş katibi Yens Stoltenberq Azərbaycan ilə bu hərbi təşkilat arasındakı əməkdaşlığı yüksək qiymətləndirib, ötən il NATO ilə əlaqələrin uğurla davam etdirildiyini bildirib.
Bu barədə Alyansın rəsmi saytında yer alan xəbərdə deyilir.
NATO-nun baş katibi ötən illə bağlı hesabatında diqqətə çatdırır ki, Azərbaycan 2014-cü ildə NATO-nun Hərbi Təhsilin Gücləndirilməsi Proqramında iştirakını davam etdirib. NATO-nun bu proqramında məqsədi üzv və tərəfdaş ölkələr arasında əlaqələri möhkəmləndirməkdir.
Xatırladaq ki, Azərbaycan NATO-nun bir çox layihələrində, o cümlədən Əfqanıstanda sülhün bərqərar olması üçün keçirilən beynəlxalq missiyada iştirak edir.
Ziya Məmmədov vətəndaşları qəbul etdi
Bəzi müraciətlər yerindəcə həll edilib.
Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq yanvarın 30-da nəqliyyat naziri Ziya Məmmədov Bərdə şəhərində Bərdə, Ağdam və Tərtər rayonlarından olan vətəndaşları qəbul edib.
Nəqliyyat Nazirliyinin digər struktur rəhbərlərinin də iştirak etdikləri qəbulda vətəndaşların nəqliyyat məsələləri ilə bağlı müraciətlərinə baxılıb.
Ordumuz Ermənistanın daha bir təyyarəsini vurdu
Müdafiə Nazirliyi Ermənistanın pilotsuz uçan aparatının məhv edilməsi ilə bağlı məlumat yayıb.
Ölkə.Az-a daxil olan məlumata görə, yanvarın 29-da saat 14.00 radələrində cəbhənin Ağdam rayonu istiqamətində Silahlı Qüvvələrimizin mövqeləri üzərində Ermənistan Silahlı Qüvvələrinə məxsus pilotsuz uçan aparat (PUA) Hərbi Hava Qüvvələrimiz tərəfindən məhv edilib.
Hadisə ilə bağlı əlavə məlumat veriləcək.
Cəbhədə monitorinq zamanı erməni təxribatı — Müdafiə Nazirliyi
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq yanvarın 29-da Qazax rayonunun Məzəm kəndi yaxınlığındakı qoşunların təmas xəttində keçirilən növbəti monitorinq başa çatıb.
Ölkə.Az bildirir ki, monitorinqdən əvvəl əldə olunmuş razılaşmaya əsasən ermənilər təmas xəttinin qarşı tərəfində monitorinqdə iştirak edən ATƏT-in fəaliyyətdə olan sədrinin şəxsi nümayəndəsinin səhra köməkçilərini təyin olunmuş koordinatlara düzgün çıxarmayıblar. Bununla da monitorinqin keçirilmə vaxtı gecikdirilib.
Müəyyən prosedurlar həll edildikdən sonra monitorinqin keçirilməsi mümkün olub.
Yohannes Han: Azərbaycan və Avropa İttifaqı ümumi maraqları paylaşır
Azərbaycan və Avropa İttifaqı ümumi maraqları paylaşırlar.
Aİ-nin qonşuluq və genişlənmə üzrə komissarı Yohannes Han belə hesab edir.
Y.Han bildirib ki, nümunələrdən biri enerji təklükəsizliyidir: "Şərq Tərəfdaşlığı" proqramı çərçivəsində əməkdaşlıq ikitərəfli münasibətlərimizdə mühüm vasitədir”.
Onun sözlərinə görə, Aİ qonşuluq siyasəti çərçivəsində Azərbaycana 2014-2017-cü illərdə 94 milyon avrodan artıq konkret yardım təklif edir: “Həmin vəsaitlər regional tərəfdaşlıq nəzərə alınmadan "Şərq Tərəfdaşlığı" proqramı çərçivəsində ayrılır. Hədəfimiz Azərbaycanla ölkənin modernləşdirilməsi, regional inkişaf, təhsil, eləcə də hüququ sahədə islahatlar məsələsində səylərin birləşdirilməsidir”.
Politoloq Zəfər Quliyev vəfat etdi
Tanınmış politoloq, siyasi şərhçi, medianın və ictimaiyyətin yaxşı tanıdığı Zəfəq Quliyev dünyasını dəyişib.
Əldə etdiyimiz məlumata görə, Zəfər Quliyev Tiflisdə vəfat edib. Onun son zamanlar səhhətində ciddi problemlər yarandığı haqda söz-söhbətlər gəzirdi.
Bakı-Tiflis-Qars dəmiryolu xəttində ilk sınaq qatarı işə salındı
Dəmir yolu layihəsi ilin sonunadək istismara veriləcək.
Bu gün Azərbaycanın nəqliyyat naziri Ziya Məmmədov və Gürcüstan Baş nazirinin müavini, iqtisadiyyat və davamlı inkişaf naziri Georgi Kvirikaşvili Türkiyə ilə sərhəddə Bakı-Tiflis-Qars dəmiryolu layihəsi çərçivəsində tikilən Kartsaxi stansiyasına səfər ediblər.
Hər iki nazir dəmir yolu xəttində tikintinin vəziyyəti ilə tanış olublar, sonra Kartsaxidə sınaq qatarının xəttə buraxılışının açılışı həyata keçirilib.
“Dövlətin iqtisadi təhlükəsizliyinə qarşı cinayətlər 80 faiz artıb” — Ramil Usubov
Dünən Daxili İşlər Nazirliyində ilin yekunlarına dair kollegiya keçirilib.
Ölkə.Az-ın verdiyi xəbərə görə, nazir Ramil Usubov çıxış edərək bildirib ki, ötən il də mütəşəkkil cinayətkarlığa qarşı aparılan mübarizə sistemli xarakter daşıyıb: “Həyata keçirilən əməliyyat-axtarış tədbirləri ilə 1893, o cümlədən 638 ağır və xüsusilə ağır cinayət törədən 2212 nəfəri birləşdirən 845 cinayətkar qrup zərərsizləşdirilib. Aşkarlanmış qanunsuz odlu silah saxlama və daşıma faktları da 23 faiz çox olmaqla 167 şəxs cinayət məsuliyyətinə cəlb edilib, odlu silahla törədilən cinayətlərin sayı sabit qalıb. Dövlətin iqtisadi təhlükəsizliyinin qorunmasına yönəlmiş əməliyyat tədbirləri ilə 80 faiz çox, yəni 45 saxta pul hazırlama və satma cinayəti aşkarlanıb.
Vaqif Səmədoğlu vəfat etdi
Şair Vaqif Səmədoğlu vəfat edib.
Vəkilov Vaqif Səməd oğlu (Vaqif Səmədoğlu) — şair, dramaturq, publisist, 1970-ci ildən Azərbaycan Yazıçılar Birliyinin üzvü, Əməkdar incəsənət xadimi (1989), Azərbaycanın xalq şairi (1999), Azərbaycan Respublikası Milli Məclisinin deputatı (2000, 2005), "Nəsimi" mükafatı laureatı (2014) olub.
Vaqif Səmədoğlu 1939-cu il iyunun 5-də Bakı şəhərində, məşhur Azərbaycan şairi Səməd Vurğunun ailəsində anadan olmuşdur. Bülbül adına musiqi məktəbində, Üzeyir Hacıbəyov adına Azərbaycan Dövlət Konservatoriyasında təhsil almışdır. Azərbaycan Sovet Ensiklopediyası Baş redaksiyasında incəsənət redaksiyasının müdiri (1968-1971), "Oğuz eli" qəzetinin baş redaktoru (1992-1994) vəzifələrində çalışmışdır.
Bakıda Xolokost qurbanlarının xatirəsi anılıb
Xolokost pedantik şəkildə, hər şeyi sənədlərlə əsaslandıraraq sivil xalq tərəfindən törədilib.
Bu barədə çərşənbə axşamı Bakıda İsrailin Akko şəhərinin meri Şimon Lankri Xolokost qurbanlarının Beynəlxalq Anım Gününə həsr edilmiş Bakı Slavyan Universiteti ilə Beynəlxalq Multikulturalizm Mərkəzinin birgə təşkil etdikləri “dəyirmi masa”da çıxışı zamanı deyib.
Bu gün dünya Xolokost qurbanlarının Beynəlxalq Anım Gününü qeyd edir.
Şimon Lankri bildirib: "Bu faciə zamanı yəhudilər öz fəlakətləri ilə təkbətək qaldılar. Mən Xocalını da unuda bilmirəm, Azərbaycan xalqının dərdi mənim də dərdimdir”.
bp-Azerbaijan şirkətində kütləvi ixtisarlar başladı
Yüzlərlə insan işini itirdi.
bp-Azerbaijan şirkətində kütləvi ixtisarlar başlayıb.
Ölkə.Az bildirir ki, bu barədə oxu.az şəxsi mənbələrindən məlumat əldə edib.
Məlumata görə, hər gün 40 nəfərədək insan işini itirir. İşdən çıxarılma siyahı üzrə həyata keçirilir.
Mənbənin sözlərinə görə, işdən çıxarılan əməkdaşın həmin şirkətdə çalışma müddətindən asılı olaraq, ona 3 yaxud 6 aylıq məvacibi verilir. Mənbə bildirir ki, artıq yüzdən çox insan işini itirib.
Ölkə.az Region TV-nin "Medialayn" proqramında
Region TV-nin internet media orqanlarının fəaliyyətini işıqlandıran "Medialayn" proqramı saytımız haqqında tamaşaçılarına məlumat verib.
Saytın redaksiyasında olan "Medialayn" proqramının çəkiliş qrupu əməkdaşlarımızdan və saytımızdan işləri, Ölkə.az-ın fəaliyyəti haqqında məlumat alıblar.
Pensiyaların sığorta hissəsi artırıldı — SƏRƏNCAM
Azərbaycan prezidenti İlham Əliyev əmək pensiyalarının sığorta hissəsinin indeksləşdirilməsi haqqında sərəncam imzalayıb.
Sərəncamda deyilir:
“1. Azərbaycan Respublikasının Dövlət Sosial Müdafiə Fonduna tapşırılsın ki, 2014-cü il üzrə istehlak qiymətləri indeksinə uyğun olaraq 2015-ci ilin 1 yanvar tarixinə:
1.1. bütün növ əmək pensiyalarının sığorta hissəsinin artırılmasını təmin etsin;
1.2. fərdi uçot sistemində fərdi hesabların sığorta hissəsində toplanmış pensiya kapitalı məbləğlərinin indeksləşdirilməsini həyata keçirsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.
Milli Onkologiya Mərkəzinə beynəlxalq status verildi
Azərbaycan Səhiyyə Nazirliyinin Milli Onkologiya Mərkəzinə beynəlxalq tədris və sınaq mərkəzi statusu verildi.
Səhiyyə Nazirliyinin mətbuat xidmətindən verilən məlumata görə, mərkəzlə Belçikanın dünyada şüa müalicəsinin istifadəsində fiksəedici avadanlıqları layihələşdirən və istehsal edən “Orfit Industries” şirkəti arasında əməkdaşlıq sazişi imzalanıb.
Bu sazişlə Milli Onkologiya Mərkəzinə rəsmi olaraq beynəlxalq tədris və sınaq mərkəzi statusu verilib.
Azərbaycanda ödənişli ali təhsilin limiti aradan qaldırılacaq
Bu gün dünyanın heç bir yerində ödənişsiz təhsil sistemi yoxdur. Sadəcə, dövlət büdcəsindən ödənilmə var. Odur ki, strategiyadan irəli gələn məsələdə söhbət ödənişli təhsilin ləğvindən yox, sadəcə, qəbul planının ləğvindən gedir.
Bunu Təhsil Nazirliyi Aparat rəhbərinin müavini Yaqub Piriyev Azərbaycan prezidenti İlham Əliyev tərəfindən təsdiqlənən “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planına həsr olunan mətbuat konfransında çıxışı zamanı deyib.
Bir ailənin üçüncü şəhidi dəfn olundu
Təxribat nəticəsində şəhid olan Elşən Əfəndiyev doğulduğu Zaqatala rayonunun Yuxarı Çardaxlar kəndində dəfn olunub.
Ölkə.Az-ın anstv-yə istinadən məlumatına görə, 20 yaşlı şəhid Elşən Əfəndiyev yanvar ayında hərbi xidmətə gedib. O xidmət etdiyi dövrdə nümunəvi davranışına görə bir neçə dəfə ordu rəhbərlyi tərəfindən mükafatlandırılıb.
Şəhid ölümündən sonra müdafiə nazirinin əmri ilə 3-cü dərəcəli medalla təltif edilib. Bu ailənin Qarabağ döyüşlərində verdyi 3-cü şəhiddir.
17 erməni hərbçisi məhv edildi — MÜDAFİƏ NAZİRLİYİ (RƏSMİ)
Düşmənin xüsusi təyinatlı kəşfiyyat-təxribat qrupunun hücumunun qarşısı alınarkən hərbi qulluqçularımız şəhid olub.
Müdafiə Nazirliyinin mətbuat xidmətindən Ölkə.Az verilən məlumata görə, son günlər işğal olunmuş Dağlıq Qarabağ ərazisində çoxsaylı itkilər verən Ermənistan Silahlı Qüvvələrinin bölmələri cəbhədəki ağır uğursuzluqlar səbəbindən növbəti dəfə daha aqressiv və eybəcər təxribata əl atıblar:
“Düşmənin kəşfiyyat-təxribat qruplarının cəbhə boyu və Azərbaycan-Ermənistan dövlət sərhəddində qoşunların təmas xəttində Silahlı Qüvvələrimizin bölmələrinin mövqelərinə qəfil hücum etmək cəhdlərinin qarşısı uğurla alınıb. Yanvar ayı ərzində ermənilərin 17 hərbi qulluqçusu məhv edilib, 20-dək yaralısı var.
Ölkə.az
