İnsan kosmosa ilk dəfə 16-cı əsrdə uçub?
Bu fiqur hər kəsi çaşdırıb.
Ölkə.Az xarici mediaya istinadən xəbər verir ki, İspaniyanın Salamanka şəhərində kafedral kilsəsinin divarında astronavta bənzəyən fiqur aşkarlanıb.
Bu İspan kilsəsinin 16-18-ci əsrlərdə tikildiyi güman edilir. Bəzi ehtimallara görə, bu, məbədin tikintisində birbaşa əlaqəsi olan və kosmosa uçuşun sirlərini bilən masonların gələcək nəsillərə vermək istədikləri mesajdır.
Keşiş köməkçisi Rodriqo Solanelles iddia edir ki, bu fiqur rəssamların dəcəlliyi ola bilməz, çünki katolik kilsəsinin istənilən fiquru ciddi şəkildə kilsə qayda-qanunlarına uyğun şəkildə hazırlanır və təsdiq edilmədən orada yer ala bilməz. Onun sözlərinə görə, orta əsrlərdə kilsələrin çöl hissəsində cəhənnəmi simvolizə edən müxtəlif bədheybətlərin rəsmləri yer alırdı və bu sirli fiqur da onlardan biridir. İnsanlar qara qüvvələrlə yalnız çöldə üzləşə bilərmiş.
Diqqətlə baxsaq, fiqurun sağ hissəsində uzun quyruqlu və qorxunc baxışlı bədheybəti görə bilərik, lakin fiqurun məhz astronavt olduğuna heç bir şübhə yoxdur, çünki onun geyimi tipik skafandrı xatırladır. Skafandrın hər bir xırda hissəciyi o qədər real formada və dəqiq təsvir edilib ki, insan təəccübünü gizlədə bilmir.
Salamanka Universitetinin fəlsəfə müəllimi və Alternativ elmi konsepsiyalar müəllifləri assosiasiyasının rəhbəri Esteban Sansa həmin katolik kilsənin 19-cu əsrə aid qravürunu tapıb və kosmonavt fiqurunun o zamanlar da eyni yerdə olduğunu görüb.
Salamanka 1988-ci ildə YUNESKO tərəfindən Bəşəriyyət İnciləri siyahısına daxil edilib. Dünyanın müxtəlif yerlərindən olan çoxsaylı turistləri özünə cəzb edən Catedral Vieja, Catedral Nueva, Casa de las Conchas, Plaza Mayor, Convento de San Esteban kimi tikililər mühüm memarlıq inciləri sayılır. 2002-ci ildə Salamanka Avropanın Mədəniyyət Mərkəzi elan edilib.
Qeyd edək ki, Salamankanın memarlıq mərkəzi UNESCO-nun mühafizəsinə götürüldüyü üçün bu cür abidələrin restavrasiyasından əvvəl çoxsaylı razılıq və icazələr rəsmi şəkildə alınmalıdır. Bu səbəbdən də astronavtın və ya başqa fiqurun sonradan əlavə olunması ehtimalı sıfıra bərabərdir.
Beləliklə, astronavta bənzəyən bədheybətin orta əsr ustaları tərəfindən hazırlandığına dair şübhələr yoxdur. Yeganə sual isə budur ki, onlar bu fiquru harada görüb?
Rəşid Mustafazadə
Ölkə.Az
