Yaponiya baş naziri İŞİD-ə meydan oxudu
Yaponiyanın baş naziri Sindzo Abe bildirib ki, Yaponiya terrorla mübarizədə təslim olmayacaq və İŞİD-ə qarşı vuruşan dövlətlərə dəstəyi gücləndirəcək.
Bu barədə “Associated Press” xəbər yayıb.
Baş nazir bu açıqlamanı terrorçuların ikinci yapon girovu Kendzi Qotonu edam eləməsindən sonra verib. Qatillər bəyan ediblər ki, bu yolla onlar anti-İŞİD koalisiyasına kömək edən Yaponiyadan qisas alırlar.
47 yaşlı Qoto Yaponiyada müstəqil jurnalist və kinematoqrafçı kimi tanınırdı. O, Suriyaya ötən ilin oktyabrında getmişdi. Bəzi məlumatlara görə, o, həmvətəni Xarun Yukavanı azad edilməsinə yardımçı olmağa çalışıb, lakin özü də silahlıların əlinə keçib. (musavat)
Ölkə.Az
