Məşhur müğənni avtomobili ilə çaya düşüb boğuldu
Rumıniya-Kanada əsilli müğənni Anka Pop vəfat edib.
“Ölkə.Az” xəbər verir ki, avtomobili Dunay çayına düşən Anka boğularaq ölüb.
Yeni il ərəfəsində ailəsinə baş çəkmək üçün yola çıxan Ankanın bacısı ondan xəbər ala bilmədiyi üçün polisi məlumatlandırıb. Ankanı tapmaq üçün hərəkətə keçən polis Rumıniyadan keçən Dunay çayına bir avtomobilin düşdüyünü üzə çıxarıb. Aparılan araşdırmalar nəticəsində müğənninin cansız bədəni sudan çıxarılıb.
Musiqi karyerasına 2004-cü ildə başlayan müğənninin həyatı 2008-ci ildə Qoran Breqoviçlə tanış olduqdan sonra dəyişib. Cütlük bir albom üzərində işləyib. Anka xüsusilə Yaponiyada çox sevilən müğənni idi.
Ölkə.Az
