Xəyalə sağ göstərib sol vurdu
“Maşın şou. Hind kinosu”nun növbəti buraxılışı yayımlanıb.
"Ölkə.Az" xəbər verir ki, bu dəfə də tamaşaçılar gərgin oyun gözləsələr də, əksinə, hər şey çox sakit keçib.
Gizli səsvermə nəticəsində oyunçular kürsüyə aktrisa Xəyalə Quliyevanı çıxarıblar. Aktrisa oyunun əvvəlində öz hədəfini açıqlamayıb, ancaq onun kişi olduğunu söyləyib.
Sonda xanım Quliyeva tamaşaçıların 85,63 % səsini toplayaraq oyunda qalıb. Aktrisa rəqibini "kişi kimi qadın" adlandıraraq Nazilə Səfərlini evinə yola salıb.
Xatırladaq ki, hazırda şouda 8 iştirakçı mübarizəni davam etdirir. Bunlar müğənnilər Səmra Rəhimli, Samir Cavadzadə, Dilarə Kazımova, reper Ramin Nabran, aparıcılar Ranar Musayev, Xose Bernardo, aktrisa Xəyalə Quliyeva və aktyor Sərxan Kərəmoğludur.
Vüsalə Cəfərova
Ölkə.Az
