2018-ci ilin hesabatı

2018-ci il artıq bir neçə gündən sonra başa çatacaq. Bu il təkcə toylar, sevgi romanları ilə yox, həm də ulduz cütlüklərin boşanması ilə yadda qalıb.

“Ölkə.Az” 2018-ci ilin ən səs-küylü boşanmalarını oxucularına təqdim edir.

Cennifer Eniston və Castin Teru

2018-ci ilin fevral ayında Enistonun iki il yarımlıq nikahdan sonra boşanmaq qərarına gəldiyi məlum oldu. Cütlük bu barədə açıqlama da verdi:
“Şayələrin artmaması üçün biz ayrıldığımızı elan edirik. Bu qərarı birlikdə, sakit şəkildə ötən ilin sonu qəbul etdik. Qərara gəldik ki, yollarımızı ayıraq. Amma dost qalacağıq və bir-birimizə dost kimi hörmətlə yanaşacağıq”.

Çenninq Tatum və Cenna Dyuenn

Çenninq və Cenna “Bir addım irəli” filminin çəkilişlərindən görüşməyə başlayıblar. 2009-cu ildə isə cütlük evlənib. 2013-cü ildə onların qız övladı dünyaya gəldi. Bu ilin aprel ayında isə cütlük ayrıldı. Cenna aktyor Stiv Kazi ilə, Çenninq isə müğənni Cessi Ceylə görüşür.

Ben Afflek və Cennifer Qarner

Üç il əvvəl Hollivudun ən gözəl cütlüklərindən biri, Cennifer Qarner və Ben Afflek boşandı. Qeyri-rəsmi məlumatlara görə, Cennifer Benin spirtli içki əsiri olmağından bezdiyi üçün boşanıb. Amma cütlük bu ilin payız ayında rəsmən boşandı və hazırda 190 milyon dollarlıq sərvəti bölüşməlidilər və 3 övladın tərbiyəsi ilə kimin məşğul olacağına qərar verəcəklər. Hazırda Qarner iş adamı Con Millerlə, Ben isə “Playboy” gözəli Şon Sekstonla görüşür.

Rita Dakota və Vlad Sokolovski

Rus cütlük 2015-ci ildə evlənib. Bu ilin avqust ayında isə Rita ərindən xəyanətinə görə boşanmaq qərarına gəldiyini bildirib. Məlum olub ki, Vlad bütün münasibətləri boyu Ritaya xəyanət edib.

Kris Pratt və Anna Feris

Kris və Annanın sevgisi 10 il davam etdi. Bir il əvvəl cütlük boşanmaq qərarına gəldi. Artıq Anna kino operator Maykl Barretlə, Kris isə Arnold Şvartsneggerin 28 yaşlı qızı Ketrinlə görüşməyə başlamışdı. Bu ilin noyabr ayında isə cütlük rəsmən boşandı.

Robert De Niro və Qreys Haytauer

Robert De Niro 21 illik arvadından boşandı. Artıq bir neçə aydır ki, 75 yaşlı aktyor və 63 yaşlı Qreys bir evdə yaşamırlar. Boşanma səbəbi bilinmir. Robert və Qreysin 20 yaşlı Elliot adlı oğlu, 7 yaşlı Helen adlı qızı var.

Hikmət Həsənov
Ölkə.Az