"Kirayədə yaşayıb gecə-gündüz işləyirəm ki, balalarımı dolandırım"

 O, bildirib ki, övladlarını 18 yaşınadək həyat yoldaşının qardaşlarına və bacılarına  göstərmək fikrində deyil:

"Gəlin-qaynana problemi Adəmlə Həvvanın dövründən olub. O ki qaldı uşaqları göstərməyəyə, bəli, göstərmirəm və bu, mənim şəxsi işimdir. Tacir Şahmalıoğlu da verilişdə vurğuladı ki, hər bir ailədə problem olur. Mənim uşaqları onlara göstərməməyim o demək deyil ki, onlar övladlarımın əmisi deyil. Uşaqlarım on səkkiz yaşa çatanda istəsələr, özləri əmiləriylə görüşərlər və qarşılarına sədd qoymaram. Desələr ki, əmigilə, bibigilə getmək istəyirik, mane olmayacağam. Ancaq indiki halda uşaqlarım mənim himayəmdədir və buna icazə verməyəcəyəm. Məsələnin hansı səbəbdən bu yerə çatmağı mənim ailə işimdir. Əgər Tacir böyük kimi o səbəbi açıqlamadısa, bu söhbəti açmaq mənə də düşmür. 

Xədicə xanım bildirib ki, hazırda kirayədə yaşayır və iki yerdə çalışır:

"Onlar öz xəyallarında düşündülər ki,  mənim uşaqlarıma belə baxılmalıdır. Bu da məni qane etmədi. Və ən əsası mən həmin evdən qovulmamışam. Çünki heç vaxt özümü o həddə çatdırmaram. Sadəcə, kiminsə evinə girdikləri üçün dövlət onları həmin evdən çıxartdı. Deməli, avtomatik mən də çıxmalı oldum. İndi kirayədə yaşayıram. Məni uşaqlarımın gələcəyi maraqlandırır. İstəmirəm ki, onlar böyüyəndə məndən utansınlar. Hazırda iki yerdə-həm gecə, həm gündüz işləyirəm. Çünki heç kimin minnətini götürmək istəmirəm. Bu danışıqların mənə və övladlarıma heç bir xeyri yoxdur. Xeyri varsa da, Tacirə var, onun da mənə faydası yoxdur". 

Qeyd edək ki, T.Şahmalıoğlunun kiçik qardaşı təxminən üç il öncə dənizdə bataraq faciəli şəkildə ölüb.

İntiqam VALEHOĞLU
Ölkə.Az