İmişlidə “VAZ”la motosiklet toqquşdu
İmişli rayonunun Yalavac kəndi ərazisində yol-nəqliyyat hadisəsi baş verib.
"Ölkə.Az" bildirir ki, bu barədə oxu.az-a Daxili İşlər Nazirliyindən məlumat verilib.
Dekabrın 28-də saat 07:00 radələrində İmişli rayonunun Yalavac kəndi ərazisində Rəsullu kənd sakini Məhəmməd Kərimovun idarə etdiyi “VAZ-2106” markalı avtomobillə kənd sakini Adəm Mirzəmmədovun idarə etdiyi “İj” markalı motosiklet toqquşub.
Nəticədə A.Mirzəmmədovun sərnişini Valeh Mehdiyev xəstəxanaya yerləşdirilib və orada ölüb.
İmişli RPŞ tərəfindən araşdırma aparılır.
Ölkə.Az