Neftin qiyməti bir barel üçün 57 dollara çatıb
Son iki həftə ərzində neftin qiymətləri 11 dollardan çox artıb.
Şimali dənizdə hasil edilən Brent markalı neftin bir barel üçün qiyməti İCE birjasında fevral ayının 3-də ticari sessiya zamanı 57 dollar səviyyəsinə çatıb.
Ölkə.Az oxu.az-a xəbər verir ki, ötən gün ilə müqayisədə artım 3,5 faiz olub.
WTI markalı neftin qiyməti bir barel üçün 50 dollardan baha olub.
Son iki həftə ərzində neftin qiymətləri 11 dollardan çox artıb.
Qiymətlərin artımı daha öncə neftin ucuzlaşmasını gözləyən investorların gəlirinin qeydə alınması ilə izah edilə bilər.
Bundan başqa, ABŞ neft yataqlarının yanvar ayının 30-da dərc edilmiş iş statistikası zəif olub.
Neftin qiymətləri 2014-cü ilin payızından başlayaraq bir neçə ay müddətində 101 dollar səviyyəsindən bir barel üçün təxminən 40 dollara qədər ucuzlaşıb.
Ucuzlaşma bir sıra amillərlə, o cümlədən də dünya iqtisadiyyatının inkişafının templərinin azalması səbəbindən tələbatın da azalması, eləcə də ABŞ, İraq və Liviyada hasilatın artımı ilə izah edilir.
Ölkə.Az
