BƏƏ-dən Ərdoğana şok ittiham

BƏƏ Ərdoğanı ölkəsini terror bazasına çevirməkdə ittiham edib.

Ölkə.Az Suriyanın SANA informasiya agentliyinə istinadən xəbər verir ki, Birləşmiş Ərəb Əmirliklərinin Dubay polis rəhbərinin müavini Daxi Xalfan Tamim Türkiyə prezidenti Rəcəb Tayyıb Ərdoğanı ölkəsinin terror təşkilatları üçün bazaya çevirməkdə günahlandırıb.

Agentliyin yaydığı məlumata görə, polis müavini "Twitter" hesabında Ərdoğanı sərt şəkildə tənqid edib. O qeyd edib ki, Ankara muzdlu terrorçulara hərtərəfli dəstək verir.

"Ərdoğan Türkiyəni terrorçular üçün təkcə dəhlizə yox, həm də onların müdafiəsi və hərbi təlimləri üçün terror bazasına çevirib", - deyə Tamam yazıb.

O bütün ərəb ölkələrini Türkiyə səfirliklərinə etiraz məktubları göndərməyə çağırıb.

Rəşid Mustafazadə

Ölkə.Az