Qubada mübahisə qanla nəticələndi
Qubada həmyerlilər arasında düşən mübahisə qanlı sonluqla nəticələnib.
"Ölkə.Az" xəbər verir ki,Digah kənd sakini Rüstəm Kazımovun bıçaqla yetirilmiş kəsilmiş-deşilmiş xəsarəti ilə Quba Rayon Mərkəzi Xəstəxanasına gətirilməsi barədə Rayon Polis Şöbəsinə məlumat daxil olub.
Məlumatla əlaqədar polis əməkdaşlarının keçirdikləri təxirəsalınmaz istintaq-əməliyyat tədbirləri nəticəsində hadisəni törətməkdə şübhəli bilinən həmin kənd sakini, əvvəllər məhkum olunmuş 36 yaşlı Elgün Həsənbəyov saxlanılıb. O, dindirilmə zamanı törətdiyi əməli etiraf edərək, R.Kazımova aralarında yaranmış mübahisə zəminində bıçaqla xəsarət yetirdiyini bildirib.
Natiq Allahverdiyev
Ölkə.Az
