Sahibkarlar 40 min manat cərimələndi
Nazirlik məlumat yaydı.
Ayrı-ayrı müəssisələr əməyin mühafizəsi sahəsində yol verdikləri hüquq pozuntularına görə, ümumilikdə 39 800 manat məbləğində cərimə olunublar.
Bu sözləri Dövlət Əmək Müfəttişliyi Xidmətinin (DƏMX) sədri Fuad Əlizadə bildirib.
“Həmçinin Bakı, Sumqayıt və Gəncə şəhərlərindəki 3 müəssisədə iş şəraitinin işçilərin həyat və sağlamlığı üçün ciddi təhlükə doğurması səbəbindən həmin müəssisələrdə işlər əməyin mühafizəsi sahəsində aşkar edilən nöqsanlar aradan qaldırılana qədər dayandırılıb. Bununla bağlı onların rəhbər şəxslərinə icrası məcburi olan göstərişlər verilib, müvafiq protokollar tərtib olunub”- deyə, Fuad Əlizadə bildirib.
F.Əlizadə bildirib ki, qarşıdakı dövrdə də işçi insanların sağlam və təhlükəsiz əmək şəraiti ilə təmin olunması diqqətdə saxlanacaq.(Oxu.az)
Ölkə.az
