Ermənilər Tovuzun Əlibəyli kəndini intensiv atəşə tutdu

TTV ( Region TV ) xeber verir Ermənistan silahlı qüvvələri ötən gecə yenə də Tovuzun Əlibəyli kəndini intensiv atəşə tutub.

İri çaplı silahlardan atılan mərmilər yenə də dinc sakinləri və evləri hədəf alıb.

Kənd sakini iki uşaq anası 33 yaşlı Xatirə Əliyeva da düşmən gülləsinə tuş gəlib. Güllə ona evin içərisində dəyib. Əlindən yaralanan Xatirə Əliyeva Tovuz Rayon MƏrkəzi xəstəxanasına yerləşdirilib. Düşmən silahlıları gecə saatlarında minaatanlar və plemuyotlar da daxil olmaqla zirehli texnikadan da atəşə başlayıb.

Yanan güllələrdən biri mövqelərə yaxın evlərin birinə - kənd sakini İsmayıl Nəbiyevə məxsus evə dəyib. Evin damında başlayan yanğın tezliklə bütöv evi bürüyüb. Gecə saat 12 radələrində ordumuzun laqili cavabı ilə düşmən susdurulub. Fövqəladə Hallar Nazirliyinin Tovuz Yanğından Mühafizə Hissəsinin əməkdaşları yanğını söndürərək evin 120 kv.m olan talvar hissəsi yanğından mühafizə edib.

Ölkə.az