İŞİD-lə mübarizəyə 1 milyard avro ayrılıb

Avropa İttifaqı İŞİD-lə mübarizəyə 1 milyard avro ayırıb.

Ölkə.Az Avrokomissiyanın rəsmi bəyanatına istinadən xəbər verir ki, Avropa İttifaqı İŞİD terror təşkilatı ilə mübarizəyə 1 milyard avro maliyyənin ayrılması barədə qərar qəbul edib.

Vəsait iki il ərzində İraq və Suriya ərazilərində qruplaşma ilə mübarizəyə sərf olunacaq.

"Bu əhəmiyyətli paket sayəsində Avropa İttifaqı regionun inkişafı və İŞİD kimi terrorçu qruplaşmalarına əks-hücumların sabit maliyyələşməsini təmin edəcək", - deyə bəyanatda bildirilib.

Xatırladaq ki, dünyanın müxtəlif ölkələrində İŞİD və "Cəbhət ən Nusra" təşkilatları rəsmi olaraq terror qruplaşmları kimi tanınıb.

Rəşid Mustafazadə

Ölkə.Az