Eldəniz Quliyev: "M.Ə.Rəsulzadə ənənələrinə kölgə salan bir siyasi hadisənin şahidi olduq"
"Onlar anti -demokratik mahiyyətini nümayiş etdirmiş oldu"
Dünən Müsavat Divanının keçirilmiş iclasında verilən qərarda partiyanın keçmiş başqanlığa namizədi Qubad İbadoğlunun partiya sıralarından xaric edilməsi barədə xəbər vermişdik.
Ölkə.az-a danışan Ziyalılar Birliyinin rəhbəri Eldəniz Quliyev bu hadisəni partiyanın anti -demokratik mahiyyətini nümayiş etdirməsi adlandırıb.
"Qubad bəyin uzaqlaşdırılması ilə Müsavat partiyası öz mövcudluğunun son akkordlarına imza atdı. Ən əsası, demokratiya uğrunda mübarizə apardığını iddia edən bir partiya bu davranışı ilə anti -demokratik mahiyyətini nümayiş etdirmiş oldu. Mən bunu təəssüf hissi ilə deməyə məcburam. Ən azından M.Ə.Rəsulzadə ənənələrinə kölgə salan bir siyasi nonsens nümunəsinin şahidi olduq".
Qeyd edək ki, dünən Müsavat Divanının keçirilmiş iclasında verilən qərarda partiyanın keçmiş başqanlığa namizədi Qubad İbadoğlu partiya sıralarından xaric edilib.
Fatimə İbrahimova
Ölkə.az
