\"Azərbaycanda mənzil tikintisi azalacaq\"

2015-ci ildə Azərbaycanın mənzil sektorunda tikinti işlərinin azalması gözlənilir.

Bunu "MBA Group" konsaltinq şirkətinin baş direktoru Nüsrət İbrahimov deyib.

Onun sözlərinə görə, bu, dünya bazarlarında neftin qiymətinin düşməsi ilə bağlı ola bilər: "Həmçinin, Qərbin sanskiyalarına görə Rusiyada davam edən qeyri-sabit vəziyyət Azərbaycanda mənzil bazarına investisiyaların həcminin azalmasına gətirib çıxarıb".

N.İbrahimov qeyd edib ki, son 3-4 ayda Azərbaycanın daşınmaz əmlak bazarında aktivliyin azalması müşahidə edilir və bu da qiymətin aşağı düşməsini qaçılmaz edir: "Hər ay artıq qiymətin 0,5 faiz azalmasını müşahidə edirik. Son iki ayda bazarda aktivlik əvvəlki ilin eyni dövrü ilə müqayisədə 35-38 faiz azalıb. 2015-ci ilin I yarısında aktivlik əvvəlki səviyyədə qalacaq, ikinci yarısında isə müəyyən canlanma ola bilər. Lakin güman edirəm ki, daşınmaz əmlak üzrə qiymətlər il ərzində 8-10 faiz düşəcək".

Yaranmış vəziyyət nəzərə alınmaqla, bu il kiçik tikinti şirkətləri, özəl sərmayədarlar daşınmaz əmlak bazarını tərk edə bilərlər.

N.İbrahimov vurğulayıb ki, ilin I yarısında bu, dəqiq baş verməyəcək, lakin ehtimal var ki, ilin sonuna tikinti həcmi azalsın: "Lakin maliyyə baxımdan dayanıqlı şirkətlər tikintini davam etdirəcəklər".(Trend)

Ölkə.Az