İlhamə- Brilliant qalmaqalı böyüyür

Xalq artistləri İlhamə Quliyeva və Brilliant Dadaşova arasındakı qalmaqal səngimək bilmir. 

İlhamə Quliyeva Brilliant Dadaşovaya türkiyəli ifaçı Ajda Pekkanın paltarını hədiyyə verməsi barədə sərt çıxışına qarşı tərəf “ATV maqazin”də münasibət bildirib.

“Mənə o fikirlər maraqlı deyil. Hər ağızdan bir avaz, hər başdan bir fikir gəlir. Ağız torba deyil ki, büzəsən. Hərə öz mənəviyyatını göstərir. Bu fikirlərə ancaq gülə bilərəm, güldüm də. Təkcə mən yox, milyonlarla insan güldü. Ajda Pekkan o libası mənə hədiyyə etdi. Onun ürəyi, sənəti, mənəviyyatı gözəldir. Mən səhnə paltarımı ən çox sevdiyim bir insana belə hədiyyə etmərəm. Orta yaşlılar, yaşlılar və səhnəyə yeni gələnlər də gündəmdə olmaq üçün adımı çəkirlər. Buna öyrəşmişəm”.

Qeyd edək ki, İlhamə Quliyeva “sən heç o paltarı geyinəndə utanmadınmı? Ancaq mən sənin yerinə çox xəcalət çəkdim”- deyərək həmkarını sərt tənqid etmişdi. (qafqazinfo)

Ölkə.Az