Con Kerri: “Biz İŞİD-ə qalib gələcəyimiz yoldayıq”
“İordaniyalı pilotun yandırılmasından sonra birliyimiz daha da gücləndi”
“Yahoo News”un xəbərində deyilir ki, ABŞ dövlət katibi Con Kerri bildirib ki, Amerikanın rəhbərlik etdiyi hərbi alyans İŞİD-ə qalib gələcək yolla irəliləyir. Tezliklə İraq və Suriyada terrorçu qrup məhv ediləcək : “Mən inanıram ki, qələbə uzaqda deyil. İnanıram ki, hər şey yaxşıdır, hətta İraqda yeni hökumətin fəaliyyəti də bizim yolumuzu daha rahat edir və biz doğru istiqamətdəyik”, bazar günü verdiyi açıqlamada dövlət katibi deyib.
“Bizim hərbi birlik güclüdür, əvvəlki vaxtlarla müqayisədə daha çox güclüyük. Xüsusən iordaniyalı pilotun diri-diri yandırılmasından sonra daha da gücləndik”, Con Kerri bildirib. İŞİD-ə qarşı döyüşlərdə komandan olmuş, hazırda istefada olan general Con Allen də “This Week”ə müsahibəsində bu amili qabartmışdı və qeyd etmişdi ki, iordaniyalı pilotun faciəli qətli İŞİD-ə qarşı fəaliyyətdə olan hərbi birliyin daha da güclənməsinə ciddi təkan verib.
Con Kerri bir daha vurğulayıb ki, Amerika yerüstü əməliyyatlarda iştirak etmək fikrində deyil və hava zərbələri ilə düşməni məhv edəcək. (musavat)
Ölkə.Az
