Ev alqı-satqısında yenilik

"Əgər satılan əmlak öz dəyərindən baha qiymətə satılsa və gəlir əldə olunarsa mülkiyyətçidən mənfəət vergisi də alınacaq".

Bunu bu gün Bakıda keçirilən Vergilər Nazirliyinin yaradılmasının 15 illik yubileyinə həsr olunmuş “Azərbaycanın vergi sistemi: reallıqlar və perspektivlər” mövzusunda 2 günlük IV Vergi Forumunda nazir Fazil Məmmədov deyib. 

Nazir qeyd edib ki, daşınmaz əmlakın ƏDV vergisinə cəlb edilməsi təzə məsələ deyil. Sadəcə olaraq əvvəllər əmlakın uçotu yox idi. İndi isə artıq bütün alqı-satqılar notarial qaydada rəsmiləşdirilir. 

"Həmin notarial münasibətlər hesabat formasında Vergilər Nazirliyinə təqdim edilir. Nazirlikdə baza var və artıq ötən ilin əvvəlindən bu prosesə başlanılıb".  (ans)

Ölkə.Az