Buğdanın qiyməti artır

Rəqəmlər açıqlandı.

Dünya bazarında taxılın qiymətində artım baş verib.

Bu sözləri kənd təsərrüfatı üzrə ekspert Vahid Məhərrəmov bildirib.

Onun sözlərinə görə, ərzaq buğdasının qiyməti 2,6% artıb:

“Son həftə ərzində yumşaq buğdanın qiyməti 2,8% artıb. Qiymət artımı Rusiya buğdasından da yan keçməyib. Belə ki, Rusiya istehsalı olan ərzaq buğdasının qiyməti son həftə ərzində 2,6% artıb”.

Ekspert bildirir ki, Azərbaycan ərzaq buğdasına olan ehtiyacını əsasən idxalın hesabına ödədiyindən bazarda qiymət artımı ola bilər:

“Qeyd etməliyəm ki, Azərbaycan ərzaq buğdasına olan ehtiyacını əsasən idxalın hesabına ödəyir. Buğda idxal etdiyimiz ölkələr sırasında Rusiya da yer tutur”- deyə, o bildirir.

Xatırladaq ki, 2014-cü ildə Azərbaycanda dövlət və özəl toxumçuluq təsərrüfatları tərəfindən 163,6 min ton taxıl toxumu istehsal edilib. İstehsal olunmuş taxıl toxumunun 111,6 min tonu buğda, 52 min tonu arpadır.(oxu.az)

Ölkə.az