Bakıda sakinlərin aksiyası işə yaradı

Bakı şəhəri, Xətai rayonu Telnov küçəsi, 23-26-47 ünvanında yerləşən yataqxanaya elektrik enerjisinin verilməsi bərpa olunub. 

Sakinlərin verdiyi məlumata görə, aksiyadan sonra yataqxanaya işıq verilib. 

Qeyd edək ki, sakinlər işığa görə, yolu bağlayaraq etiraz etmişdi.

19:46

Bakı şəhəri, Xətai rayonu Telnov küçəsində sakinlər yolu bağlayıb. 

Buna səbəb Telnov küçəsi 23-26-47 ünvanında yerləşən yataqxananın işığının kəsilməsidir.

Sakinlərin bizə verdiyi məlumata gərə, bir neçə gündür ki, binanın elektrik xətti bağlanıb. Sakinlər elektrik pulunu bina rəhbərliyinə vaxtlı vaxtında ödəsə də binada belə problemlər yaşanır. Binada qaz olmadığından sakinlər acınacaqlı vəziyətə düşüb.

“Hazırda bir qrup sakin yol bağlayıb. Onlar elektrik xətti bərpa edilməyincə buradan getmək fikrində deyil. Uşaqlarımız soyuqdan donur”, - deyə narazı sakinlərdən biri Ənvər bildirib.

Hadisə yerinə polis gəlib. Sakinlərlə danışıqdan sonra onlar yolu açıb. Məsələ yoluna qoyulmasa sakinlər etirazlarını bu şəkildə davam etdirəcəyini deyiblər. (ans)

Ölkə.Az