"Samsung" televizor istifadəçiləri bu xəbəri mütləq oxusun

"Samsung" ağıllı TV-lərin gizlilik siyasəti müzakirələrə səbəb olub.

Ölkə.Az xəbər verir ki, Cənubi Koreyalı texnologiya nəhəngi olan "Samsung" alıcılara xəbərdarlıq edib.

Belə ki, müştərilərə xəbərdarlıq edən şirkət rəhbərliyi bildirib ki, yeni ağıllı televizorlarda olan səs yazan distansion idarəetmə qurğusunu (pult) açıq saxlamayın. Əks halda bütün danışıqlar qeydə alınır. BBC-nin xəbərinə görə danışıqlar "Samsung" ya da üçüncü tərəflərlə paylaşıla bilər.

Gizlilik haqqını müdafiə edən fəallar bu texnologiyanın Corc Oruelin hər kəsin təqib altında olduğunu göstərən "1984" adlı romanını xatırladıb.

Şirkətin etdiyi xəbərdarlıq "Daily Beast" internet saytında nümayiş olunan bir yazıyla ortaya çıxıb.

Yazıda "Samsıng"un ağıllı televizorlar üçün nəzərdə tutduğu gizlilik prinsiplərinə yer verilib. Bildirilir ki, şirkət ağıllı televizor otaqdakıları səsli əmr xüsusiyyəti sayəsində dinləyir.

Ölkə.Az