Zaqatalada yol qəzası baş verib

Fevralın 10-u axşam saatlarında Zaqatalada yol qəzası olub.

Zaqatala rayonunun Lahıc kəndi ərazisindən keçən hissəsində 42 yaşlı Balakən rayon Qabaqçöl kənd sakini Mehman Qafarov idarə etdiyi minik avtomobili ilə Zaqatala istiqamətində hərəkətdə olarkən,qarşısında gedən at arabasını vurub.

At arabasında olan 53 yaşlı Zaqatala rayon Mosul kənd sakini Nurməhəmməd Əhmədov zərbənin gücündən müxtəlif bədən xəsarətləri alıb.

Avtomobil isə at arabasını vurduqdan sonra təxminən 20-30 metr irəliləyərək işıq dirəyini aşırıb. Qəzada avtomobilin sürcüsü yüngül xəsarət alsa da, at arabasının sahibi Nurməhəmməd Əhmədov müxtəlif dərəcəli bədən xəsarətləri ilə Zaqatala rayon Mərkəzi Xəstəxanasına çatdırılıb.Xəstənin vəziyyəti orta ağır qiymətləndirilir. Qəzada at tələf olub. Faktla bağlı araşdırma aparılır.(Region TV)

Ölkə.az