Ölkə müxalifəti hüquq müdafiəçilərini müdafiə etmək üçün toplandı

Aparıcı partiyaların liderləri hüquq müdafiəçilərini müdafiə etmək üçün toplandı

AXP sədri Pənah Hüseyn isə bildirib ki, ölkə vətəndaşları və siyasi müxalifət 20 ildir faktiki olaraq repressiya şəraitində yaşayırlar: “Bizi əzən siyasi maşındır. Son həbslər isə ölkədə keyfiyyətcə yeni bir situasiyadır. Bir qayda olaraq siyasi məhbuslar meydana gəlir, siyahı artır. Hazırda həmin siyahıları yazanların özləri də həbsdədir”. Vəkil İntiqam Əliyevin həbsindən danışan P.Hüseyn onun ofisində axtarış aparılmasının və sənədlərin, kompyuterlərin götürülməsinin də narahatedici məqam olduğunu vurğulayıb: “Ofisdən Avropa Məhkəməsi üçün hazırlanan sənədlər, dosyelər götürülüb. Təhlükə var ki, bir çox məhkəmə işləri tamamlanmaya, baxılmaya bilər”. O, həbslərin davam edəcəyini istisna etməyib: Xeyli həbslər var və davamı da gözlənilir. Bunu istisna etmirəm. Həbs olunanların hüquqlarını müdafiə komitəsi yaradılmalıdır”.

***

KXCP sədri Mirmahmud Mirəlioğlu çıxış edərək bildirdi ki, ölkədə bş verən son həbslər barədə ciddi şəkildə düşünmək lazımdır. O, müxalifətin bu həbslər barədə müzakirə aparıb, vəziyyəti dəyərləndirməyini təklif etdi. M.Mirəlioğlu həmçinin toplantıda iki layihənin müzakirə ediləcəyini diqqətə çatdırdı.

***

Ölkənin aparıcı müxalifət partiyaları baş verən son həbslərlə bağlı bir araya gəlib. Ölkə.Az-ın musavat.com-a istinadən məlumatına görə, müxalifət liderləri KXCP-nin qərargahında toplantı keçirirlər.

Tədbirdə KXCP sədri Mirahmud Mirəlioğlu, Müsavat başqanı İsa Qəmbər, “Ümid” sədri İqbal Ağazadə, ADP sədri Sərdar Cəlaloğlu, AXP sədri Pənah Hüseyn, ALP sədri Əvəz Temirxan və başqaları qatılıb.

Liderlər son günlər hüquq müdafiəçilərinin ard-arda həbs edilməsini müzakirə edəcəklər. Hüquq müdafiəçilərinin müdafiəsinin müxalifət tərəfindən öz üzərinə götürülməsi planlaşdırılır. 

Ölkə.Az