Millət vəkili: "ABŞ- Azərbaycan münasibətlərinin pisləşməsinə çalışan qüvvələr var"

"İndiki hadisələrin gedişi fonunda ABŞ da, onun müttəfiqləri də Azərbaycanla münasibətlərin pisləşməsində heç də maraqlı deyillər".

"Son vaxtlar Amerika ilə Azərbaycan arasında münasibətlərində daha ciddi yaxınlaşmalar özünü ifadə edir. Bizim bir sıra siyasətçilərimiz, millət vəkillərimiz ABŞ-da olması, orada keçirilmiş görüşlər və.s bütün bunların hamısı bütövlükdə göstərir ki, Amerika dövləti, cəmiyyəti ilə Azərbaycan arası münasibətlərin normal strateji müttəfiqlik səviyyəsində qorunub,saxlanılmasında ciddi maraqlar var".

Bu sözləri Ölkə.az-a millət vəkili, Ana Vətən Partiyasının sədri Fəzail Ağamalı regiondakı vəziyyəti şərh edərkən deyib.

"Bilirsiniz, Amerikada erməni lobbisi kifayət qədər güclüdür. Onların vasitəsi ilə Azərbaycana qarşı təbliğat aparılır. Amerika Azərbaycan münasibətlərinin pisləşməsinə çalışan qüvvələr var.

Düşünürəm ki, indiki hadisələrin gedişi fonunda ABŞ da, onun müttəfiqləri də Azərbaycanla münasibətlərin pisləşməsində heç də maraqlı deyillər".

Xatırladaq ki, Azərbaycan-ABŞ münasibətlərində gərginliyin yaranmasının səbəbi Cənubi Qafqazda daim dəyişən vəziyyət ola bilər deyə isveçli alim, Təhlükəsizlik və İnkişaf Siyasəti İnstitutunun (İSDP) həmtəsisçisi və direktoru, Mərkəzi Asiya və Qafqaz İnstitutunun və "İpək yolu" araşdırmalar Proqramının araşdırmalar üzrə direktoru Svante Kornell bildirmişdi.

Fatimə İbrahimova
Ölkə.az