Bu telefonun batareyası ən güclü olacaq
Lenovo yeni ağıllı telefonunu Çində təqdim edib.
Ölkə.Az xəbər verir ki, Çinin "Lenovo" şirkəti yeni ağıllı telefonlarını tanıtmağa davam edir.
Texnologiya nəhəngi son olaraq ölkəsində yeni ağıllı telefonu olan "P70"i təqdim edib. "Lenovo"nun yeni modeli uzun müddət işləyə bilən batareyasıyla diqqət çəkib. Cihazda 4000 mAh gücündə batareya var və şirkət bu batareyanın 34 günlük gözləmə müddətinə bərabər gəldiyini açıqlayıb. 34 günlük bu gözləmə müddəti 2G ilə ölçülüb, ancaq cihaz 3G-də də olduqca uğurludur. P70 3G-li bir şəkildə 29 günlük gözləmə müddətinə malikdir.
Android 4.4 KitKat versiyası önyüklü olaraq gələn yeni telefonun korpusu 8.9 mm qalınlıq və 149 qram ağırlığa sahibdir. Cihazın satış qiyməti isə 224 dollar olaraq açıqlanıb.
Ölkə.Az
