Tayvanda məhbuslar girov götürdü

Tayvanda 6 nəfər silahlı məhbus girov götürüb.

Ölkə.Az "The Wall Street Journal"a istinadən xəbər verir ki, Tayvanın cənubunda yerləşən həbsxanada 6 nəfər silahlanmış məhbus girov götürüb.

Bu barədə məlumat ada dövlətin ədliyyə nazirliyinə istinadən yayılıb. Məhbuslar islahetmə müəssisəsini tərk etmək məqsədilə avtomobil tələb edirlər. Qeyd olunur ki, girovların arasında həbsxana nəzarətçisi də var.

Üsyan etmiş məhbusların hamısı narkotik maddələrin dövriyyəsi və qarətlə bağlı cinayətlərə görə həbs olunub.

Ölkə.Az