DVD üstündə düşən dava ölümlə nəticələndi

Bakının Binəqədi rayonunda iki nəfər arasında düşən dava ölümlə nəticələnib.

Yeznəylə qaynı arasında mübahisə pul üstündə yaranıb. Qohumlar arasında qeydə alınan qətlin təfərrüatları növbəti videomaterialda.

Hadisə Biləcəri qəsəbəsi Məlik Aslanov küçəsində olub. Əslən Yevlax rayonundan olan 25 yaşlı Vüqar Salmanovla bacısının həyat yoldaşı 28 yaşlı Əfqan Yusubov arasında mübahisə düşüb. Mübahisə zamanı Əfqan Yusubov Vüqar Salmanova bıçaqla zərbələr endirib. Yaralı ailə üzvlərinin köməkliyi ilə Dəmiryol xəstəxanasına çatdırılıb. Amma artıq xəstəxanaya aparılan zaman Vüqar Salmanov yolda dünyasını dəyişib.

Məlumata görə, tərəflər arasında mübahisə DVD üstündə yaranıb. Belə ki, qətlə yetirilən Vüqar Salmanov qohumu Əfqana DVD satıb. Amma Əfqan aldığı əşyanın pulunu vermədiyi üçün onlar arasında mübahisə düşüb. Nəticədə isə qanlı hadisə qeydə alınıb. Qaynını qətlə yetirməkdə şübhəli bilinən Əfqan Yusibov hadisə yerindən qaçsa da Binəqədi Rayon Polis İdarəsinin əməkdaşları tərəfindən həyata keçirilən əməliyyat tədbirləri nəticəsində hadisəni törədən Əfqan Yusibov tutulub. Qeyd edək ki, qətlə yetirilən Vüqar Salmanov əvvəllər bir dəfə məhkumluq həyatı yaşayıb. O, cəzası bitdiyi üçün 3 ay əvvəl azadlığa buraxılıb. Faktla əlaqədar Binəqədi rayon prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanıb.(Rgion TV)

Ölkə.az