"Fənərabхça"ya ağır cəza

Türkiyə Futbol Federasiyasının Nizam-İntizam Komitəsinin növbəti iclası keçirilib.

Komitə üzvləri "Fənərbaхça"ya ağır cəzalar verib.

"Trabzonspor"la oyunda rəqib komandanın rəsmisini təhqir edən Volkan Dəmirəl 4 oyunluq cəzalandırılıb. Bu səbəbdən qapıçı Super Liqanın "Qaziantespor", "Akhisar Bələdiyyəspor" və "Konyaspor" matçlarını, həmçinin Türkiyə Kubokunun 1/4 final oyununu (rəqib hələ bəlli deyil) buraхacaq. Volkan Dəmirəl XXIII turda "Qalatasaray"la keçiriləcək derbi matçında meydana dönəcək.

"Fənərbaхça"nın digər üzvü Caner Erkinin cəzası bir oyun olub. O, hakimə qarşı qeyri-etik hərəkət etdiyi üçün cəzalanıb. "Fənərbaхça" rəsmisi Mahmut Usluya isə 45 gün stadiona girmək qadağan edilib.

Bütün bunlarla yanaşı, "Fənərbaхça" pul cəzasına da məruz qalıb. İstanbul klubu ümumilikdə 216 min 500 lirə cərimə edilib. (ans)

Ölkə.Az