Qusarda maşın aşdı

Fevralın 13-də səhər saatlarında Qusar rayonu ərazisində ölümlə nəticələnən yol-nəqliyyat hadisəsi baş verib. 

Hadisə Bakı-Quba-Rusiya Federasiyası dövlət sərhədi avtomobil yolunun Qusar rayonun Atlıxan kəndi ərazisindən keçən hissəsində baş verib. 

Sumqayıt şəhər sakini Ağamalıyev Qərib Kamran oğlunun idarə etdiyi “99-GS-974” dövlət nömrə nişanlı “Ford Tranzit” markalı avtomaşın idarəetməni itirərək yolun kənarına aşıb. Nəticədə avtomobildə olan sərnişin, Sumqayıt şəhər sakini Süleymanova Tahirə Yusif qızı dünyasını dəyişib, sürücü isə müxtəlif dərəcəli bədən xəsarətləri alıb. Qəzanın yolun buzlu olması və sürücünün hava şəraitinə uyğun sürət seçməməsi səbəbindən baş verdiyi ehtimal edilir.

Faktla bağlı Baş Dövlət Yol Polis İdarəsinin istintaq və təhqiqat bölməsində araşdırma aparılır. (AzərTAc)

Ölkə.Az