Ərdoğandan Obamaya tənqid

Türkiyə prezidenti Rəcəb Tayyib Ərdoğan ABŞ rəsmilərini Şimali Karolina ştatında öldürülən 3 müsəlman universitet tələbəsinin qətlini qınamağa çağırıb.

Meksika səfəri zamanı Ərdoğan ABŞ prezidenti Barak Obama, vitse-prezident Co Bayden və dövlət katibi Con Kerrini hadisəyə münasibət bildirmədikləri üçün tənqid edib.

Ərdoğan deyib ki, belə bir hücumun səssiz qarşılanması dünyanın Amerikaya səssiz qalacağı deməkdir.

Türkiyə dövlət başçısı ölkələrində baş verənlərə görə siyasətçilərin məsuliyyət daşıdığını bildirib. 

Qeyd edək ki, 23 yaşlı Dea Şaddi Bərəkət, onun 21 yaşlı həyat yoldaşı Yusor Əbu-Salha və 19 yaşlı baldızı Rəzan Əbu-Salhanı qətlə yetirən 46 yaşlı Kreq Stefen Hiks adam öldürmə maddəsi ilə ittiham olunub. (ans)

Ölkə.Az