7 yaşlı İlhamə üçün xeyriyyə aksiyası baş tutdu
Bu gün Park Bulvarda anadangəlmə irsi qan - betta talassemiya xəstəliyindən əziyyət çəkən İlhamə Nağızadəyə dəstək məqsədiylə xeyriyyə aksiyası keçirilib.
Aksiya da millət vəkilləri, tanınmış sənətçilər, incəsənət xadimləri, KİV rəhbərləri, QHT sədrləri, fəal gənclər iştirak ediblər. Onlar İlhaməyə dəstək üçün çağırış ediblər.
Aksiya səhər saat 10-dan axşam saat 10-a qədər davam edib və aksiyada minə yaxın insan iştirak edib, onlar İlhamənin xəstəliyi haqda məlumat verilib, bukletler paylanılıb, simvolik əşyaların satışı həyata keçirilib. 7 yaşlı İlhamə Nağızadə də xeyriyyə aksiyasında olub.
Tədbirdə millət vəkilləri Qənirə Paşayeva, Ceyhun Osmanlı, Səttar Mehbaliyev, Demokratik Maarifçilik Partiyasının sədri Elşən Musayev, əməkdarartistlər Aybəniz Haşımova, Firuzə İbadova, Nuriyyə Hüseynova, gənc ifaçılar Aynişan Quliyeva, Sevinc Ağaşirinova, , rejissor Kənan M.M, Kral Rent a Car şirkətinin sahibi Rövşən Tağıyev, ölkənin tanınmış gəncləri , iş adamları, jurnalistlər iştirak edib.
Tədbirdə həmçinin İslahatçı Gənclər, Gənclər üçün Təhsil Mərkəzi, İrəli, AGAT, Azərbaycan-Slavyan Gənclər Assosiyasının rəhbər şəxsləri və üzvləri aktiv iştirak edib.
Xatırladaq ki, İlhamə Nağızadə . 7 yaşı var. Anadangəlmə irsi qan - betta talassemiya xəstəliyindən əziyyət çəkir. Uşağın bədəni hemoqlobin yarada bilmir. Ayda 2-3 dəfə İlhamənin bədəninə inyeksiya olunan qan kütləsi (qırmızı qan) və hər gecə çox ağrılı proseslə bədəndə dəmirin azaldılması üçün vurulan disferal (göbəyə vurulan iynə) hesabına yaşayır. Körpə Respublika Talassemiya Mərkəzində 1 aylığından qeydiyyatdadır.
Ailəsi İlhamə üçün donor axtarışına başlamaq məqsədi ilə ailəsi Ümumdünya Donor Reyestrinə müraciət edib.
Donor tapıldıqdan sonra İlhamənin həyatını xilas edilməsi üçün əməliyyat olunması İtaliyada və Almaniyada mümkündür. Körpənin anası Günay Əsgərova bildirib ki, donor tapılıb. Almaniyanın Tübingen Klinikasında bu növ əməliyyatı tapılan donor qanı ilə etmək və İlhamənin həyatını xilas etmək mümkündür.
Hazırda İlhamənin qara ciyəri və dalağı şişib. Bu vəziyyətdə isə İlhamənin orqanizmi hazırda vücuda dəstək üçün edilən müalicə prosedurlarına tab gətirə bilmir. Buna görə də, körpə təcili əməliyyat olunmalıdır. Ailə İlhamənin həyatını xilas etmək üçün onun Almaniyanın Tübingen Klinikasında əməliyyat olunmasını yeganə çıxış yolu olduğunu düşünür. İlhamənin əməliyyatı üçün 441 000 evro lazımdır. Anasının dediyinə görə, övladına kömək üçün artıq müəyyən qədər məbləğ yığılıb: “Övladımın həyatının xilas edilməsi üçün 252 000 evro lazımdır. Hazırda körpənin dalaq və qara ciyəri ayda 2-3 dəfə onun bədəninə vurulan qan kütləsinə və əsasən də dəmir tərkibinə dözmədiyi üçün onun vəziyyəti getdikcə ağırlaşmaqdadır. İtaliyadakı donor axtarışının nəticəsini gözləmək çox riskli olduğu üçün biz Almaniyanın Tubingen şəhərindəki klinikaya müraciət etdik. Donor eyni bazada axtarılsa da İtaliyadan fərqli olaraq Almaniya qanunları 90%-dən aşağı uyğunluqla əməliyyata qarşı olmadığı üçün ilik transplantasiyasının bu ölkədə uğurla aparılması mümkündür. Biz bunu körpənin yaşaması üçün böyük şans hesab edirik və xeyirxah insanlardan çatışmayan məbləğin yardım edilməsini təvəqqi edirik. Çox xahiş edirik ki, bizim üçün imkan yaradasınız”.
Qeyd edək ki, aksiya fevralın 15-də səhər saat 10-dan axşam saat 10-a qədər Park Bulvar Ticarət Mərkəzininin ikinci mərtəbəsində davam edəcək. Hər kəsi uşağın həyatını xilas etmək üçün aksiyada iştirak etməyə çağırırıq. (azxeber)
Ölkə.Az
