Xamneyi və Obamanın gizli məktublaşması

İranın Ali dini rəhbəri və ABŞ prezidenti iki ölkə nüvə proqramına dair razılıq əldə etməyə çalışıldığı bir vaxtda məktub vasitəsilə yazışma aparıb.

Bu barədə xəbəri "The Wall Street Journal" qəzeti yayıb. Qəzetdə dərc edilmiş məqaləyə əsasən, Ayətullah Xamneyi ABŞ prezidenti Barak Obamadan tərəfindən gələn təşəbbüslərə cavab verib. Xamneyi ABŞ liderinin ona oktyabr ayında göndərdiyi məktuba bu yaxınlarda göndərdiyi məktubda nüvə proqramına dair razılığın əldə edildiyi halda, ABŞ və İran arsında İŞİD qrupuna qarşı mübariəzədə əməkdaşlığın mümkünlüyü məsələsini qaldırıb.

Adının açıqlanmadığı İran diplomatı "The Wall Street Journal" qəzetinə ali dini rəhbərin Obamaya ehtiramla cavab verdiyini, lakin bununla heç bir öhdəlik götürülmədiyini deyib.

Qəzetin yazdığına əsasən, Ayətullah Xamneyinin Obamaya bundan əvvəl məktub göndərməsi haqda da məlumatlar verilib. Ağ Evdə anonim mənbə 2009-cu ildə İran liderindən belə bir məktubun olduğunu təsdiq edib.

Qeyd edək ki, nə Ağ Ev, nə də İran hökuməti iki lider arasında yazışma haqda məlumatları hələ ki, təsdiq etməyib. (ans)

Ölkə.Az