Bakı Heyvanat Parkı: "Heç kimi tülkü dişləməyib"

Bakı Heyvanat Parkı mətbuatda yayılan məlumatı təkzib etdi

"Bu gün Heyvanat Parkında tülkülərin saxlanma yeri elədir ki, onlar zooparka gələn insanlara yaxın gələ bilməzlər".

Bu sözləri Ölkə.az-a danışan Bakı Heyvanat Parkının direktoru Azər Hüseynov bildirib.

"Bu gün Heyvanat Parkında tülkülərin saxlanma yeri elədir ki, onlar zooparka gələn insanlara yaxın gələ bilməzlər. Ziyarətçilərlə heyvanlar arasında kifayət qədər məsafə olur.
Hazırda mən də bu məsələni araşdırıram. Ümumilikdə isə xanımı tülkünün dişləməsi qeyri-mümkündür. Heç kimi tülkü dişləməyib, dişləyə də bilməz"

Qeyd edək ki, bu gün Bakı şəhər sakini, 42 yaşlı Yeganə Əhmədova həkimə müraciət edərək zooparkda tülkü onu dişlədiyini bildirib.

Fatimə İbrahimova
Ölkə.az