Bu müğəninin heç kompleksi yoxdur
Makiyajsız şəkildə kamera önünə keçən müğənni Nüşabə Ələsgərli kompleksi olmadığını bildirib: “Əsl görkəmim budur. Məni bəyənən belə bəyənib, alan alıb, qurtardı getdi. Heç bir makiyaj-filan yoxdur, əl-üzümü yuyub gəlmişəm. Əvvəllər kompleks var idi məndə, indi qətiyyən yoxdur. Üz-gözümüz qırışsa da, qocalsaq da, həyatdır da. Üzümüzdəki qırışların da öz gözəlliyi var”
Sevilən müğənni özünə, görünüşünə diqqət göstərməyindən də danışıb:“10-15 il əvvəl 95-100 kilo idim. İndi gənc yaşlarımdakı kimi 67 kiloyam. Özünə gərək baxasan. Məsələn, gözümün altında həmişə qara olub mənim, bir az düzəltdirmişəm, öz piyindən doldurtmuşam. Qaşım öz qaşımdır.”
Tanınmış sənətçi estetik əməliyyatlar etdirən kişi həmkarları haqda isə bunları söyləyib: “Botoks etdirən, orasına-burasına yağ dolduran kişiləri bəyənmirəm. Amma keçən dəfə birini gördüm, o yaxşı idi.”
Müğənni yeni hazırladığı “Susdum” mahnısı haqqında da danışıb: “Məcbur oldum, susdum. Əslində, mən susmağa hazır deyildim, amma o məni susdurdu... Bizdə hansı mahnıdan pul qazanmaq olur ki? Pulu toylardan qazanırıq. Ola bilsin, bu yeni mahnım hansısa tamaşanın soundtreki olsun”. (Region TV)
Ölkə.az