İlahiyyatçı: "Qeyri-müsəlmanın adını məscidə qoymaq şəriətə ziddir"

"Gərək bu ad müsəlman birinin adı olsun"

Rusiyanın müsəlman icması Moskva hökumətindən Vladimir Putin adına məscid tikintisi üçün ərazi ayrılmasını xahiş etməsinə azərbaycanlı ilahiyyatçıdan cavab gəlib.

Ölkə.az-a danışan Qamət Süleymanov məscidə qoyulan adın müsəlman birinin adı olmasının vacib olduğunu bildirdi.

"Ümumiyyətlə məscidə tanınması üçün istənilən adı qoymaq olar. Amma gərək bu ad müsəlman birinin adı olsun. Qeyri-müsəlmanın adını məscidə qoymaq və ya onun adına məscid tikmək düzgün deyil. Putinin adını qoymazdan əvvəl onun dinini nəzərə almaq lazımdır. Onun adına məscid olacağına inanmıram".

Qeyd edək ki, Məscid İslam dinində müsəlmanların Allaha kütləvi və tək ibadətləri üçün nəzərdə tutulmuş ibadətxanadır.

Fatimə İbrahimova
Ölkə.az