Ayı ovçunu parçalayıb
Rusiyada Kamçatka regionunda yerləşən çaylardan birində ayı ovçuya hücum edib.
"Ölkə.Az" Türkiyə mediasına istinadən xəbər verir ki, baş verən hadisə Ust-Bolşerets rayonunda, Utka və Mitoqa çayları arasında yaşanıb.
Verilən məlumata görə, kişi təkbaşına ova çıxıb və itkin düşüb. Daha sonradan aydın olub ki, kişini ayı parçalayaraq öldürüb. Bir müddət keçdikdən sonra yaxınlıqda ov edən yerli sakinlər kişinin cansız bədənini aşkar ediblər.
Hadisə yerinə gələn mütəxəssislər ayını faciənin baş verdiyi yerin yaxınlığında görüblər və onu güllələmək məcburiyyətində qalıblar.
Ölkə.Az
