Liviyaya BMT qüvvələri göndərilə bilər

İtaliya çağırış edib.

Ölkə.Az "La Repubblica" qəzetinə istinadən xəbər verir ki, İtaliya Liviyaya BMT sülhməramlı qüvvələrinin göndərilməsi ilə bağlı çağırış edib.

İtaliya Daxili işlər naziri Ancelino Alfano hesab edir ki, BMT Liviyaya sülhməramlı qüvvələrin göndərilməsi ilə bağlı qərarı mümkün qədər tez qəbul etməlidir.

"Bir dəqiqə də olsun itirmək olmaz, Liviyaya BMT missiyasını göndərmək lazımdır", - deyə Alfano "La Repubblica" qəzetinə müsahibəsində qeyd edib.

Onun fikrincə, dünya ictimaiyyəti anlamalıdır ki, bu ölkədə baş verənlər Qərbin gələcəyi üçün həlledicidir.

Rəşid Mustafazadə

Ölkə.Az