İran öz axtarış sistemini işə saldı

İran milli axtarış sistemini işə salıb.

Ölkə.Az xəbər verir ki, İranda Google və Yandex yerinə milli axtarış sistemi olan "Yooz" fəaliyyətə başlayıb.

"Mehr" xəbər agentliyinin məlumatına görə, layihə meneceri olan Mehdi Nakavi milli axtarış sisteminin Qərb ölkələri tərəfindən İrana tətbiq olunan internet məhdudiyyətləri təsirsiz buraxacağını söyləyib.

Nakavi İran Rabitə və İnformasiya Nazirliyin inkişaf etdirilən axtarış sisteminin ilk mərhələdə 1 milyard fars saytlarının axtarış tutumuna sahib olduğunu, ikinci mərhələdə fars, ərəb və ingilis saytların da əlavə olunmasıyla "Yooz"un tutumunun 6 milyarda yüksələcəyini qeyd edib. O əlavə edib ki, son mərhələdə 24 milyon internet saytı axtarış tutumuna sahib olacaq.

İran prezidenti Həsən Ruhani keçən il verdiyi açıqlamada milli internetin yaradılması ilə bağlı işlərinin görülməsini istəmişdi.

Rəşid Mustafazadə

Ölkə.Az