Rusiya Abxaziyanı öz tərkibinə qatır
Putinin köməkçisi Abxaziyanı Rusiyaya qatmağı təklif etdi.
Ölkə.az "İnterfax" agentliyinə istinadən xəbər verir ki, Rusiya prezidenti Vladimiz Putinin ən yaxın köməkçisi Vladislav Surkov Abxaziya ilə Rusiya arasındakı sərhədi ləğv etməyi təklif edib.
"Bizim aramızda sərhəd olmamalıdır. Bu Rusiya ilə Abxaziya arasında bağlanmış son sazişdə bu maddə öz əksini tapıb", deyə Surkov bildirib. Rusiyanın Abxaziya üçün nəzərdə tutduğu maliyyə yardımlarından da danışan Vladislav Surkov böhrana baxmayaraq Moskvanın Suxumi üçün nəzərdə tutduğu yardımı artıqlaması ilə edəcəyini vurğulayıb.
Xatırladırıq ki, Rusiya Abxaziyaya yardım üçün nəzərdə tutduğu 4 milyard rublun məbləğini daha 1 milyard artıraraq bu məbləği 5 milyarda çatdırıb.
Ölkə.az
