Prezident: "Nigeri "Boko Haram" üçün məzara çevirəcəyik"

Niger prezidenti ölkəsini "Boko Haram" üçün məzara çevirmək fikrindədir.

Ölkə.Az "Agence France-Presse"ə istinadən xəbər verir ki, Niger prezidenti Məhəmməd İssufu islamçılar əleyhinə keçirilən kütləvi mitinqdə Nigerin "Boko Haram" terror təşkilatı üçün məzara çevriləcəyini bəyan edib.

"Heç kəs cəzasız olaraq Nigerə hücum edə bilməz. "Boko Haram" bunu bizim hərbçilərin onalrın qruplaşmasını dağıtdığı 6 fevralda bildi", - deyə İssufu bəyan edib.

Nigerin Müdafiə nazirliyinin rəsmi məlumatlarına əsasən, 6 fevraldan bugünədək 109 radikal islamçı qətlə yetirilib. Bir müddət öncə Nigerin cənubunda "Boko Haram" terror qruplaşması ilə əlaqədə şübhəli bilinın onlarla insanın həbs edilməsi haqqında xəbərlər yayılmışdı.

Rəşid Mustafazadə

Ölkə.Az