UEFA \"Qarabağ\"la bağlı yekun qərarını açıqladı

Apellyasiya şikayətinə baxıldı.

"Qarabağ"ın apellyasiya şikayətinə bu gün İsveçrənin Cenevrə şəhərində baxılıb.

Ölkə.Az xəbər verir ki, bu barədə məlumat Ağdam klubun facebook səhifəsində yerləşdirilib.

Məlumta əsasən, UEFA "Qarabağ"ın müraciətini təmin etməyib.

Belə ki, Apellyasiya Komitəsi hakimin qərarının səhv olduğunu və bu baxımdan ona cəza verilə biləcəyini istisna etməyib.

Ancaq Komitə bu hakim səhvinin matçın yenidən oynadılmasına səbəb olacaq bir şəkildə qayda pozuntusu olmadığını bildirib. Beləliklə, "Qarabağ" - "İnter" matçı təkrar keçirilməyəcək. Gözlənildiyi kimi, çexiyalı hakimlər briqadasına cəza veriləcək.

Qeyd edək ki, Avropa Liqasının qrup mərhələsinin son turunda "Qarabağ" İtaliyanın "İnter" klubu ilə üz-üzə gəlmişdi. Matçın sonuncu dəqiqələrində Riçard Almeydanın qapıya yol tapmasına baxmayaraq, qol hesaba alınmayıb və oyun 0:0 hesabı ilə başa çatıb. Nəticədə isə ağdamlılar "pley-off"a vəsiqə qazanmaq şansından məhrum edilib.

Ölkə.Az