Macarlar Putinə "STOP" dedi

Macarlar Putinin gəlişinə etiraz etdi.

Ölkə.Az "AFR" agentliyinə istinadən xəbər verir ki, Rusiya prezidenti Vladimir Putinin Macarıstana səfəriöncəsi Budapeştdə bunun əleyhinə etiraz aksiyası keçirilib.

Məlumatlara əsasən, "Human-Paltform" etiraz hərəkatının təşkil etdiyi nümayişdə təqribən 2 min nəfər iştirak edib. Qeyd olunur ki, etiraz aksiyası "Putin-yox, Avropa-hə" şüarı altında baş tutub. Etirazçıların bəziləri əllərində Ukrayna bayrağını tutublar.

Rusiya prezidenti Vladimir Putin 17 fevralda qısamüddətli səfər üçün Budapeştə gəlir. Bu, rusiyalı liderin 2014-cü ilin iyunundan etibarən Avropa İttifaqı ölkələrindən birinə etdiyi ilk ikitərəfli səfəridir.

Rəşid Mustafazadə

Ölkə.Az