Debalçevdə 72 Ukrayna əsgəri üsyançılara əsir düşdü

Debalçev rayonundakı döyüşdən sonra Ukrayna ordusunun 72 əsgəri üsyançılara əsir düşüb.

Ölkə.az Rusiya KİV-lərinə istinadən xəbər verir ki, hazırda Debalçev rayonunun 80%-dən çoxu üsyançıların nəzarətinə keçib.

Əməliyyat zamanı 72 Ukrayna əsgərinin onlara könüllü olaraq əsir düşdüyünü iddia edən üsyançılar, könüllü silahı yerə qoyan bütün Ukrayna əsgərlərinin afv olunacağını elan ediblər.

Öz növbəsində Ukrayna komandanlığı yayılan məlumatı "saxta" və "propoqanda məqsədli" adlandıraraq ordunun heç bir əsgərinin könüllü olaraq təslim olmadığını bildirib.

Ölkə.az