Ruslar Avropaya qaçır

Ukraynadakı konflikt və ağır iqtisadi vəziyyət rusları ölkədən getməyə məcbur edir.

Ölkə.az Almaniyanın "Tagesspiegel" qəzetinə istinadən xəbər verir ki, Avropada daşınmaz əmlak almaq istəyən rusların sayı bir neçə dəfə artıb.

Məlumata görə ruslar arasında ən populyar olan Berlindir. Almaniya paytaxtının City West, Şarlottenburq, Dalem, Şteqliç və Qrunevald rayonlarına üstünlük verən ruslar burada yüz milyonlarala avro dəyərində daşınmaz əmlak alıblar.

Son statistikaya görə, hər ay ruslar Almaniya paytaxtında 200 mənzil alırlar. Bura kvadrat metri 10 min avrodan tutmuş daha ucuz evlərə qədər bütün növ daşınmaz əmlak daxildir. Daşınmaz əmlak bazarında fəaliyyət göstərən şirkətlərin analitikləri vəziyyətin belə davam edəcəyi təqdirdə Berlində böyük bir rus rayonunun yaranacağını proqnozlaşdırırlar.

Ölkə.az