Narışkin: "Rusiya Donbasın bərpasına kömək edəcək"

"Biz Donbasın bərpasına yardım edəcəyik. Hələlik humanitar yardımlar həyata keçiririk, amma gələcəkdə dağılan Donbas şəhərlərinin bərpasında yaxından iştirak edəcəyik"

Ölkə.az "Ria NOVOSTİ" agentliyinə istinadən xəbər verir ki, bu sözləri Rusiya Dövlət Dumasının sədri Sergey Narışkin deyib.

"Biz hesab edirik ki, ABŞın Ukraynaya göstərdiyi hərbi yardımlar Minsk razılşmasını pozacaq və regionda vəziyyət daha da pisləşəcək. Təbii ki, Rusiya bu hadisələrdən kənarda qala bilməz və Donbasa yardımlarımızı davam etdirəcəyik", deyə Narışkin vurğulayıb.

Xatırladırıq ki, KİV-lərdə Ukrayna Müdafiə nazirliyinin Pentaqona lazım olan silahların siyahısını verdiyi haqda xəbərlər yayılmışdı. Bu xəbər Moskvanın çox ciddi narazılığına və narahtlığına səbəb olmuşdu.

Ölkə.az