Türkiyə parlamentində dava

Kürdləri döydülər.

Türkiyə parlamentində hakimiyyətdə olan Ədalət və İnkişaf partiyasının deputatları ilə Kürd Demokratik Xalq partiyasının deputatları arasında dava düşüb.

Ölkə.Az-ın oxu.az-a istinadən məlumatına görə, türk saytı “Mynet” xəbər verir ki, kürd partiyasının parlament fraksiyasının qadın üzvləri daxili təhlükəsizlik qanun-layihəsinin qapalı müzakirəsi zamanı etiraz əlaməti olaraq tribunadan uzaqlaşmamaq qərarına gəliblər.

Bu zaman iqtidar partiyasının parlament fraksiyasının üzvləri kürd deputatlara hücum ediblər.

Xalq respublika partiyasının müxalifət deputatlarından biri bütün bunları telefonuna çəkməyə başlayıb, nəticədə özü də iqtidar partiyasının deputatları tərəfindən hücuma məruz qalıb.

Dava nəticəsində 5 deputat yaralanıb, onlardan 3-ü xəstəxanaya yatırılıb.

Ölkə.Az